रञ्जन यादब/बारा
पर्साको मनवामा घर अगाडिको झाडीमा लुकाईछिपाई राखिएको अवस्थामा दुई थान काठको गोलिया बरामद भएको छ।
सबडिभिजन वनकार्य मनवाले १२.५५ क्युफिट काठ बरामद गरेको डिभिजन वन कार्यालय पर्साका डिभिजनल वन अधिकृत मन्जुर अहमदले जानकारी जानकारी दिए ।
पर्सागढी नगरपालिका वडा नम्बर १ ठूलो मनवा गाउँमा घरको बारीमा झाडी र परालले लुकाई छिपाई राखिएको अवस्थामा काठ बरामद गरिएको सबडिभिजन वन कार्यालय मनवाका फरेष्टर हरिभजन चौधरीले जानकारी दिए ।
`विशेष सूचनाको आधारमा हामी काठ बरामद गरेका गर्यौ । तर काठ लिएर आउने क्रममा गाउँका केही महिलाहरू काठ ल्याउनमा अवरोध सिर्जना गरेको फरेस्टर चौधरीले भने ,`पछि सशस्त्र प्रहरी कार्यालय बागेश्वरी तित्रौना इलाका प्रहरी कार्यालय एकटाँगा र बड्निहार बनटोलीको साथ लिनुपर्यो। ´
बरामद काठ कसैले पनि आफ्नो भएको दाबी नगरेको डिभिजनल वन कार्यालय पर्साले जनाएको छ। यस सम्बन्धमा थप अनुसन्धान भइरहेको डिभिजनल वन अधिकृत अहमदले बताए ।
