बारा, वैशाख २१ गते ।
काठमाडौंबाट आउदैगरेको मोटरसाइकल मकवानपुरको भिमफेदीमा बुधवार साँझ दुर्घटना हुँदा बारा प्रसौनीका दुई जनाको मृत्यु भएकोछ । काठमाण्डौबाट बारा आउँदै गरेको बाग्मती प्रदेश ०२–०२० प ४२३७ नम्बरको मोटरसाइकल भिमफेदी गाँउपालिका ६जुरिखेतस्थित सडकबाट करिब दुई सय फिट तल खसेर दुर्घटना भएको हो ।
मृत्यु हुनेमा प्रसौनी गाँउपालिका ५ का २५ वर्षीय लालबाबु सहनी र २० वर्षीय रविन्द्र मण्डल रहेका छन् । दुर्घटनामा परी सहनीकोअस्पतालमा र मण्डलको घटनास्थलमा मृत्यु भएको मकवानपुर प्रहरीले जनाएको छ ।
दुर्घटनाको सूचना पाएपछि भिमफेदीबाट खटिएको प्रहरी टोलीले सहनीलाई घटनास्थलबाट उद्धार गरेर अस्पताल लगेको थियो । उनकोउपचारका क्रममा हेटौडा अस्पतालमा मृत्यु भएको हो । प्रहरीले मण्डलको शव भने बिहिवार विहान मात्रै घटनास्थलमा फेला पारेकोथियो । घटनास्थलमा बिहान खोजी गर्ने क्रममा मण्डलको शव भेटिएको प्रहरीले जनाएको छ ।
