रञ्जन यादब /बारा
माओवादी केन्द्र निकट अखिल नेपाल ट्रेड युनियन महासंघ बारा र नेपाल बहुराष्ट्रिय कम्पणी मजदुर युनियन सुर्य नेपाल बारा जिल्लाको उत्कृष्ट रक्तदाताको रुपमा सम्मानित भएको छ ।
बिश्व रक्तदाता दिवसको अवसरमा ब्लड डोनर्स एसोसियशन नेपालले पर्साको बिरगंजमा गरेको कार्यक्रममा सम्मान गरेको हो । नेपाल बहुराष्ट्रिय कम्पणी मजदुर युनियन सुर्य नेपालले २१७ जना रक्तदाताहरुको रक्तदान गराउँनु र अखिल नेपाल ट्रेड युनियन महासंघले ५३ जना रक्तदाताहरुको रक्तदान गराएको थियो ।
ब्लड डोनर्स एसोसियशन नेपाल पर्साका अध्यक्ष शत्रुधन नेपाल र नेपाल रेडक्रस सोसाईटीका पर्सा शाखा सभापती बिरेन्द्र राज कडेँलले सम्मान पत्रले सम्मान गर्नुभएको हो ।
