बारा, असार १९ गते ।
बारामा लागुऔषध गाँजासहित एक महिला र दुई पुरूष पक्राउ परेका छन् । जिल्लाको निजगढ नगरपालिका वडा नम्बर ११ उनासिकिलो पुल स्थित पुर्व पश्चिम लोकमार्गबाट लागुऔषध गाँजासहित उनिहरू पक्राउ परेका हुन् ।
मंगलबार साझ ४ बजेको समयमा पुर्व पश्चिम लोकमार्ग सडक खण्डमा खटिएको चेकिङ टोलीले पोखराबाट जनकपुर तर्फ जादै गरेको ग १ ख ९९२८ नम्बरको बसको ए साईटको ६ नम्बर सिटमा सवार धनुषा जिल्लाको ढल्केवर नगरपालिका वडा नं. ७ केमलीपुर बस्नेरामबली साहको श्रीमति अ. ३० वर्षिय राम पुकारी साहलाई अन्दाजी ६ किलो ५०० ग्राम गाँजा झोलामा लुकाई छिपाई राखेको अवस्थामा पक्राउ गरिएको जिल्ला प्रहरी कार्यालय बाराले जनाएको छ ।
बसमा गाँजा फेला परेपछि पर्वत कुश्मा नगरपालिका वडा नम्बर ८ बस्ने अं. ४५ वर्षिय कमल दमाई चालक र तनहु व्यास नगरपालिकावडा नम्बर ११ बस्ने अं. २१ वर्षिय अमित लम्साल सहचालकलाई नियन्त्रणमा लिएर अनुसन्धान भैरहेको जिल्ला प्रहरी कार्यालयबाराका प्रवक्ता पुरूषोतम प्रसाद पाण्डेले बताउनु भयो ।
