बारा, चैत्र १९ गते ।
बारामा ट्याम्पु दुर्घटना हुदा एक तिन वर्षीय बालिकाको मृत्यु भएको छ भने पाँच जना घाइते भएका छन् । वीरगञ्ज-कलैया सडकखण्डमा भएको ट्याम्पु दुर्घटनामा तिन वर्षीय भारतीय बालिकाको मृत्यु भएको हो ।
बारा प्रहरीका अनुसार वीरगञ्ज-कलैया सडकखण्डअन्तर्गत पर्ने बाराको फेटा गाउँपालिका-१ भलुही बजार चोकमा ट्याम्पु अनियन्त्रित भएर दुर्घटना भएको थियो ।
भरतको रक्सौलबाट कलैया तर्फ जाँदै गरेको स १ ह ७०८ नम्बरको ट्याम्पु आफै अनियन्त्रित भएर पल्टिएको बारा प्रहरीका प्रमुख प्रहरी उपरीक्षक होविन्द्र बोगटीले बताए ।
