रञ्जन यादब /बारा
जीतपुरसिमरा उपमहानगरपालिका–२ स्थित जगदम्बा स्टिल्स लिमिटेडको सिसीएम प्लान्टमा दुर्घटना हुँदा एक जना व्यक्ति घाइते भएका छन्। कम्पनीद्वारा जारी गरिएको आधिकारिक प्रेस विज्ञप्तिअनुसार, प्लान्ट सञ्चालनका क्रममा उपकरणको अप्रत्याशित गडबडीका कारण विस्फोट (पड्किनु) जस्तो अवस्था सिर्जना भएको थियो। सो घटनामा भारत, बिहार राज्य, समस्तीपुर निवासी एक जना व्यक्ति घाइते भएको जनाइएको छ। घाइतेको तत्काल स्थानीय एल.एस. न्युरो अस्पतालमा उपचार भइरहेको छ। हाल उहाँको अवस्था सामान्य रहेको र थप स्वास्थ्य परीक्षणहरू भइरहेका छन्।कम्पनीले घटनाप्रति दुख ब्यक्त गर्दै घाइतेको शीघ्र स्वास्थ्यलाभको कामना गरेको छ। साथै, घटनाबारे यथार्थ विवरण नबुझी विभिन्न सञ्चार माध्यम र सामाजिक सञ्जालमा अफवाह फैलाइएकोप्रति गम्भीर ध्यानाकर्षण गराउँदै कम्पनीले सबैलाई सत्य सूचना मात्र प्रकाशन–प्रसारण गर्न अनुरोध गरेको छ।
