रञ्जन यादब /बारा
सब डिभिजन बन कार्यालय रङ्गपुर ,पर्साबाट खटिएको बन गस्ती टोलीले तीन थान काठको गोलिया सहित एउटा साईकल बरामद गरेको छ । मङ्गलबार साँझ पटेर्वासुगौली गाउँपालिका वडा नं.३ बनकटुवाबाट साईकलमा लोड काठ एक थान र त्यहीको नजिकको घरको पछाडि लुकाईछिपाई राखिएको अवस्थामा थप दुई थान काठको गोलिया फेला परेको सब डिभिजन बन कार्यालय रङ्गपुरका रेञ्जर कपिलदेव प्रसाद यादबले जानकारी दिए ।
बिशेष सुचनाको आधारमा हामी जाँदा काठ तस्करले साईकलमा काठ छोडेर फरार भएको बताए । नियन्त्रणमा लिएको तीन थान सालको काठ करिब १० क्युफिटको रहेको डिभिजन बन कार्यालय पर्साले जनाएको छ ।
बरामद काठलाई सब डिभिजन बन कार्यालय रङ्गपुरको नियन्त्रणमा राखिएको डिभिजन बन कार्यालय पर्साका डिभिजनल बन अधिकृत मञ्जुर अहमदले जानकारी दिए
