बारा, पुस २७ गते ।
तामागढी–कोल्हबी सडकखण्डमा मंगलबार साँझ मोटरसाइकलको ठक्करबाट गम्भीर घाइते भएकी महिलाको उपचारको क्रममा मृत्युभएको छ ।
कोल्हबी नगरपालिका २ की ५८ वर्षीया ज्ञान्त्री चौधरीको उपचारका क्रममा परवानीपुरस्थित एलएस न्युरो अस्पतालमा राती ९ बजे मृत्युभएको हो ।
कोल्हबीबाट बगेवातर्फ जादै गरेको बा२९प ७०१८ नम्बरको मोटरसाइकलले ठक्कर दिएलगत्तै चौधरीलाई स्थानीय अस्पतालमा सामान्यउपचार गराई एलएस न्युरो लगिएको थियो । चौधरीको टाउको र शरीरको विभिन्न भागमा चोट लागेको थियो ।
चौधरीलाई ठक्कर दिने मोटरसाइकलका चालक समेत घाइते छन् । उनको अवस्था सामान्य रहेको र तामागढी अस्पताल कोल्हबीमाउपचार भइरहेको बाराका प्रहरी नायब उपरीक्षक राजेश थापाले जानकारी दिए । प्रहरीले मोटरसाइकल नियन्त्रणमा लिएको थापालेबताए ।
