रञ्जन यादब /
पर्साको सब डिभिजन बन कार्यालय बसन्तपुरले १० क्वीन्टल दाउरा र दुई थान साल काठको गोलिया बरामद गरेको छ । शुक्रबार राती गस्तीको क्रममा ५ वटा साईकलमा लोड गरिएको दाउरा र शनिबार दुई वटा काठको गोलिया बरामद भएको डिभिजन बन कार्यालय पर्साका डिभिजनल बन अधिकृत मञ्जुर अहमदले जानकारी दिए ।
सब डिभिजन बन कार्यालय बसन्तपुर र भतौडा पोस्टबाट खटिएको बन गस्ती टोलीले जीराभवानी गाउँपालिका वडा नं.५ स्थित भलुवाही खोला नजिकैको बन क्षेत्रबाट साईकल सहित दुई थान गोलिया बरामद भएको हो ।
काठ तस्करले नजिकै साईकल राखि काठको गोलिया बनाउँदै गरेको अवस्थामा बन गस्ती टोली आएको सुईको पाई तस्कर काठको गोलिया र साईकल छोडि फरार भएको रेञ्जर बिजय यादबले जानकारी दिए ।
नियन्त्रणमा लिएको ६ वटा साईकल र बरामद करिब ९ क्युफिटको काठको गोलियालाई भतौडा पोस्टमा राखिएको छ । शुक्रबार राती जीराभावानी गाउँपालिका वडा नं.१ को बनक्षेत्रबाट नियन्त्रणमा लिएको करिब १ ट्याक्टर दाउरालाई सब डिभिजन बन कार्यालय बसन्तपुरमा राखिएको डिभिजन बन कार्यालय पर्साले जनाएको छ ।
े
