रञ्जन यादब /पर्सा
बालुवा लोड गरि ट्याक्टरमा ल्याईरहेको अवस्थामा पर्सा जिल्लाको बन गस्ती टोलीले तीवटा ट्याक्टर नियन्त्रणमा लिएको छ । डिभिजनल बन अधिकृत मञ्जुर अहमदको बिशेष निर्देशनमा बन क्षेत्रबाट बालुवा लोड गरि ल्याईरहेको ट्याक्टर नियन्त्रणमा लिएको हो ।
पटेर्वा सुगौली गाउँपालिका वडा नं.१ सोनबर्षामा रहेको भलुवाही खोलाबाट बालुवा निकालि ट्याक्टरमा ल्याईरहेको अवस्थामा ना ६ त ८८९९ नम्बरको टयाक्टर नियन्त्रणमा लिएको सब डिभिजन बन कार्यालय मनवाको रेञ्जर कपिल देव यादबले जानकारी दिए ।
उनले ट्याक्टरलाई नियन्त्रणमा राखि बन ऐन अनुसार कार्बाही प्रक्रिया अगाडि बढाईएको बताए ।त्यस्तै जिराभवानीपुर गाउँपालिका वडा नं.५ मा शंकरशरैया खोलाबाट दुईवटा ट्याक्टरमा बालुवा लोड गरी ल्याउँदै गरेको अवस्थामा बन गस्ती टोलीले ट्याक्टर नियन्त्रणमा लिएको छ ।
बन गस्ती टोलीले ना ६ त ३७३३ नम्बरको ट्याक्टर र ना ७ त ५९४२ नम्बरको ट्याक्टरलाई नियन्त्रणमा लिएको सब डिभिजन बसन्तपुरका रेञ्जर बिजय यादबले जानकारी दिए । नियन्त्रणमा लिएको ट्याक्टरलाई आवश्यक कार्बाहीकोलागि अस्थाई प्रहरी चौकी शंकरशरैयाको जिम्मा लगाईएको रेञ्जर यादबले बताए ।
