होटल तथा पर्यटन व्यवसायी संघ बाराको नयाँ नेतृत्व चयन ,अध्यक्षमा शम्भु खड्गी

रञ्जन यादब /बारा

होटल तथा पर्यटन व्यवसायी संघ बाराको नयाँ नेतृत्व चयन भएको छ। अमलेखगञ्जमा सम्पन्न आठौँ वार्षिक साधारण सभा तथा तेस्रो अधिवेशनबाट सिमराका शम्भु खड्गी सर्वसम्मत रूपमा संघका अध्यक्ष चुनिएका छन्। सिमरास्थित होटल श्रेष्ठ रेसिडेन्सीका सञ्चालक समेत रहेका खड्गीको नेतृत्वमा २० सदस्यीय कार्यसमिति गठन गरिएको छ।

नवनिर्वाचित समितिमा वरिष्ठ उपाध्यक्षमा प्रलाद उप्रेती, उपाध्यक्ष गोविन्द गहतराज, महासचिव लक्ष्मण अधिकारी, सचिव रुपेश न्यौपाने, सहसचिव अजय जर्गा र कोषाध्यक्ष कल्याणी गौतम जिम्मेवारीमा चयन भएका छन्। त्यस्तै सदस्यहरूमा श्यामबाबु साह, मिरा अधिकारी, ज्योति लामा, रविन्द्र कुमार उपाध्याय, सुवास तिमिल्सिना, भरतबहादुर खड्का, जयप्रकाश साह, दीपक गौतम, ब्रम्हा सापकोटा, राजकुमार लामा, कल्पना मानन्धर, सन्दीप गुरुङ र सुशील केसी रहेका छन्।नवनिर्वाचित अध्यक्ष खड्गीले बाराको भूगोललाई समेट्दै समितिमा थप तीन जना सदस्य मनोनयन गरिने जानकारी दिए।

अधिवेशन संयोजनमा निवर्तमान अध्यक्ष अर्जुन लम्सालले नेतृत्व गरेका थिए। कार्यक्रमका प्रमुख अतिथि नेपाल होटल तथा पर्यटन व्यवसायी महासंघ मधेश प्रदेशका अध्यक्ष हिरालाल गौतम रहेका थिए। त्यस्तै ईलाका प्रशासन कार्यालय सिमरा प्रमुख राजेन्द्र कंडेल, पर्सा राष्ट्रिय निकुञ्जका प्रमुख रामचन्द्र खतिवडा, ईलाका प्रहरी कार्यालय सिमराका डीएसपी वेदप्रकाश जोशी, जीतपुरसिमरा उपमहानगरपालिका–२१ का वडाध्यक्ष सुवास श्रेष्ठ, नगर उद्योग वाणिज्य संघका अध्यक्ष मोहन शर्मा लामिछाने तथा होटल तथा पर्यटन सहकारी संस्थाका अध्यक्ष प्रल्हाद क्षेत्रीलगायतको उपस्थिति रहेको थियो।