बारा, असार २८ गते ।
बाराको जीतपुरसिमरा उपमहानगरपालिका-७ जीतपुरमा रहेको श्री फकिरा गिरि राजेश्वर गिरि माध्यमिक विद्यालयले विद्यार्थीहरूलाई छात्रवृति रकम वितरण गरेको छ ।
श्री फकिरा गिरि राजेश्वर गिरि माध्यमिक विद्यालयका प्रधानाध्यापक राजु सिंहका अनुसार कक्षा १ देखि ८ सम्म पढ्ने ५२७ जना छात्राहरू र दलित छात्रहरूको लागि रू ४०० को दरले आएको छात्रवृति रकम वितरण गरिएको हो ।
आज वितरण गरिएको प्रति विद्यार्थी रू ४०० रकम छात्रवृति वर्षमा १ चोटि छात्रा र दलितछात्रको लागि मात्र आउने गरेको स्कुलका प्रधानाध्यापक सिँहले बताउनु भएको छ ।
बिहिवार स्कुलमा एक औंपचारिक कार्यक्रमको आयोजना गरि जीतपुरसिमरा उपमहानगरपालिका वडा नम्बर ७ का वडा अध्यक्ष एवं सोही विद्यालयका व्यवस्थापन समितिका अध्यक्षको प्रमुख आतिथ्यतामा छात्रावृति रकम वितरण गरिएको थियो ।
कार्यक्रममा जीतपुरसिमरा उपमहानगरपालिका वडा नम्बर ७ का वडा सदस्यहरू, सोही स्कुलका व्यवस्थापन समितिका सदस्यहरू, स्कुलका शिक्षक लगायत विद्यार्थीहरूको अभिभावकहरूको उपस्थिति रहेको थियो ।
